鄧兆尊同關寶慧今日去到柴灣為ViuTV節目「晚吹 總有一瓣喺左近」擔任嘉賓分享遇過靈異事件，未講鬼故前，寶慧就話同兆尊識咗三十幾年，讀中學時演過話劇做情侶，點知入到電視台就演佢阿媽，有亂倫感覺。
講番靈異故事，寶慧最近返大陸喺酒店遇過，佢話：「我除咗幾隻戒指上床休息，跟住聽到把聲話呢度有幾隻戒指，之後又有另一把聲話講邊隻，我咪話唔好搞啲戒指，但自己又郁唔到。」
兆尊都話拍嘢嗰陣都試過，就係每逢啲女演員埋位前，未化妝時，寶慧即指係唔係話佢，兆尊當然執生，就話：「妳係女主持，唔係女演員。」兆尊認真分享一次同弟妹親身經歷，喺佢十幾歲時同婆婆去泰國玩，見到婆婆坐緊張床突然升起成米，最後婆婆冷靜話降番落去先無事。
