陳凱琳(Grace)同劉佩玥(Moon)今日去咗葵芳出席日式超巿開幕，二人穿上和服出席並擔任剪綵嘉賓，最近劉佩玥同周志文嘅緋聞傳到似層層，頻頻俾人影到佢哋行街，日前仲有話阿Moon幫手湊細孖周志康個女，感覺好似一家人！問到阿Moon有冇同大孖周志文聯絡，Moon話：「我哋係朋友，當然有聯絡，有一齊大班人食嘢。」
唔知有冇發展機會？阿Moon即刻不知所措地問旁邊嘅Grace，平時係如何回答，Grace笑言：「我已經發展中嘞sorry。」Moon好尷尬話：「呢個世界咩都有可能，唔會抺殺任何機會，對於感情抱順其自然態度，如果有就再同大家講。」
之後又問阿Moon會唔會帶周志文返屋企拜年，Moon就話：「媽咪有叫我唔好亂咁帶朋友返去，我成日都帶唔同嘅朋友俾媽咪認識，咁不如等我發展得耐啲，穩定啲先帶返去，下次帶應該會係真。」
活動完咗之後，阿Moon同助手一齊行去停車場拎車，嗰陣有啲fans喺佢架車側邊等佢，阿Moon傾咗幾句之後，就揸車返咗電視城。
 攝影：張俊銘 |  阿Moon同陳凱琳著和服都幾好睇喎！ |  |
 阿Moon話同周志文係好朋友。 |  |  活動完咗，阿Moon揸車返電視城。(攝影：黃曉程、朱志聰) |
