日本變裝藝人GENKING一直以女性化見稱，32歲嘅佢今日喺Instagram宣佈變性消息，同時佢亦上富士節目受訪，透露去年5月開始接受變性手術，7月已更改戶籍由男性變為女性，令日本藝能界再添一名變性藝人。


GENKING自從2015年3月在節目出櫃後，近年一直活躍於電視團，除係綜藝節目常客外，又曾參演武井咲夥拍瀧澤秀明愛情劇《毫無保留的愛》。GENKING表示去年5月變性手術係到泰國進行，當時過程共6小時，手術後佢覺得全新嘅自己經已誕生，返日隨即更改戶籍，並由本來嘅元輝改名為沙奈，仲話成為真女人後嘅夢想係可以披嫁衣結婚。