梁詠琪（Gigi）最近忙緊拍關錦鵬執導嘅《八個女人一台戲》，前日下晝4點左右，見佢哋劇組喺中環開工拍街景，咁啱係放下午茶時間，見Gigi喺條街攞住件三文治邊行邊食，途人見佢喺度拍戲，即刻係咁攞手機出嚟影佢，佢食食下先發現唔對路，因為一路行一路有好多人跟住佢，嚇得即刻走番入帳幕入面，佢同劇組人員喺度睇番之前拍嘅毛片，然後對住個電視機指手畫腳，唔知係咪研究番啲劇情。


約半小時後，劇組就繼續開工，不過商天娥就走咗出嚟，原來佢身體唔多舒服，同劇組講要提早收工，後來劇組就搵咗架車送佢去睇醫生，而Gigi就改為一個人拍一場喺小店外攞住杯紅酒仰天尋思嘅畫面，好似滿懷心事咁，拍咗唔夠半粒鐘就收工，佢換好衫就同助手喺附近啲小店行咗陣街，買咗幾個公仔，賀卡之類嘅小禮物就離開間舖頭。


離開舖頭之後Gigi向住馬路方向行，見佢走埋一部私車度，原來佢老公帶埋個女開車嚟接佢收工，當佢一上車見到囡囡就笑晒，一家三口開車去咗金鐘太古廣場嘅超市買嘢，喺超市買咗約半粒鐘，佢哋一家三口就上車走人。


最港電影大獎投票網址
http://bit.ly/thekongestfilmawards


精選娛聞，喺晒《娛果》
http://fb.com/appledailyent


採訪、攝影：徐錦池、吳耀輝梁詠琪（Gigi）最近忙緊拍關錦鵬執導嘅《八個女人一台戲》。前日下晝4點左右，見佢哋劇組喺中環開工拍街景。
拍咗唔夠半粒鐘就收工，佢換好衫就同助手喺附近啲小店行咗陣街。
Gigi買咗幾個公仔，賀卡之類嘅小禮物。離開舖頭之後Gigi走埋一部私車度，原來佢老公帶埋個女開車嚟接佢收工。一家三口開車去咗金鐘太古廣場嘅超市買嘢。
喺超市買咗約半粒鐘，佢哋一家三口就上車走人。