現年30歲嘅韓國「長腿Oppa」李敏鎬早年創立捐贈網站Promiz，並孖自己嘅粉絲團Minoz嘅成員以網站名義做善事，包括為環境保護而打造樹林、公益活動或資金嘅捐助，一直都Keep住冇停過，形成一種好風氣。Promiz更於前年起，與HOLT兒童福利會結盟合作，以幫助需要援助嘅小朋友。
而HOLT兒童福利會今日表示，適逢2018平昌冬季奧運盛會，正服兵役嘅李敏鎬再次孖粉絲做善事，捐咗一噸白米畀福利會，以幫助夢想成為運動員嘅低收入家庭子女。隨後李敏鎬所屬嘅MYM娛樂表示：「國內外嘅粉絲都好踴躍參與今次善事，希望幫到有需要嘅人。」
