亞視今日復活兼喺大埔舉行酒會同開幕禮，觀眾想重溫亞視就要download app先睇到，或者去買個機頂盒，咁就可以睇到新亞視，連會員都有分幾兩個收費。（新聞連結：http://bit.ly/2DHTrie
）
呢次亞視除咗有免費會員，都有付費服務，基本服務月費為$38，另外機頂盒嘅建議零售價為$680，包括12個月「升級服務月費$68」。今日喺亞視大樓門外，就見到一張傳單，原來仲有個「朋友價」$368，差唔多平咗一半，不過呢個優惠只係俾VIP同今日到場嘅朋友先可以即場登記。
另外好多藝人都送咗花籃祝賀亞視開台，包括返咗大陸搵人仔嘅王祖藍就送咗花籃祝亞視大展鴻圖。云云花籃當中，仲有個係由「中共中央黨校同學」送嘅，咁貼心，唔知第時節目會唔會迎合番佢哋口味呢？
 亞視大樓今日終於有台徽。 |  原本$680嘅機頂盒，有「朋友價」平咗差唔多一半。 |  門口好多花籃，連中共中校黨校同學都有致賀。 |
 王祖藍明目張膽咁撐，唔怕方丈小器咩？ |  |
