全球大受歡迎嘅《格雷的五十道色戒3》（Fifty Shades Freed）即將於本月上映，電影之中女主角狄高達莊遜（Dakota Johnson）同男主角占美杜倫（Jamie Dornan）一直相當激情，更有大量SM及床上戲，不過最近占美杜倫受訪，就指情節真係太激，唔敢俾老婆睇套戲！「我估……佢會愛我，多過戲入面嗰個人，佢未睇過套戲，我唔想俾錢佢…你知啦…睇戲入面嘅性愛場面。」雖然占美怕老婆唔高興，但另一個訪問入面，佢就大方承認對SM已有一定程度認識，仲好想試下！「我做咗好多資料搜集，我想睇下兩個人互動係點，同埋成個氣氛係點。」佢仲話對SM非常開放，可以一試。另外佢又話，專程為電影請咗個有經驗嘅顧問，學下啲SM用具係點用：「真係一次大開眼界嘅經驗！」
 《格雷》有好多SM情節。 |  占美杜倫指唔敢俾老婆睇《格雷》入面嘅性愛場面。 |  佢接受名嘴Ellen DeGeneres訪問，Ellen仲搞笑拍戲中情節。 |
