去咗大陸發展嘅陳偉霆（William），終於搣甩「而我不知……」呢個稱號，仲喺大陸好受歡迎，支持者無數。


陳偉霆被眼利嘅網民發現，同巴西索模Bruna Marth有好多共同點，有同一件衫，抱住相同狗仔等等，拍拖之說甚囂塵上。Bruna甚至將發展基地移師地香港，拉近兩人距離，又有報道話見到陳偉霆帶Bruna見家長，去到淺水灣同陳媽媽食飯。（新聞連結：http://bit.ly/2BJqHjk）


但就咁，正如啱啱所講，陳偉霆有好多支持者，有部份人可能因愛成恨，日日，係日日，去到Bruna嘅ig瘋狂留言，起埋佢底寫埋佢喺香港住邊。


文字，係用簡體中文，一面倒咁鬧，侮辱誣蔑乜都有，就連貼一張舊相，或者去紅山半島打卡，都係罪名！


「發以前的舊圖你想表演甚麼？還在做白日夢？」
「你的所有言論，我們都已經存為證據發给了中國政府，你永遠也不能踏入内地半步！很快，你也會失去香港的工作，滾回巴西了！」
「對威廉（William）來說，你已經成了過去式。」
「偏偏要惹上不該惹的事，又沒人看得起你，何必呢。」
「想要騙威廉的錢，還想借助威廉出名！！！」
「Bruna讓他浪費了很多錢，讓他的代言商和公司都不满意，讓他錯過了新的代言和電視劇。一個不能幫男人賺錢的女人，在中國，就是災難。」



以上言論，幾乎每個留言都有，不過Bruna日前出席活動，都有讚陳偉霆靚仔、好男仔，係佢鍾意個type，但背好model answer，一問到兩人關係只會答「我哋係好朋友」。（新聞連結：http://bit.ly/2s1u3i0）


其實陳偉霆嘅「忠粉」又唔使咁嬲住喎，始終佢都冇認拍拖，咁就針對人，有失公平啫。





Bruna上個月出席活動，佢讚陳偉霆靚仔，又係鍾意個type，但只係話係好朋友。（資料圖片）