吳業坤前年憑住《原來她不夠愛我》彈起，脫貧唔使再住公屋，有能力租九龍塘豪宅兼買50萬新車。


坤哥最近更有機會去法國巴黎灌錄新歌兼拍MV，仲好乖仔帶埋阿媽同妹妹同行。不過，今日佢就話喺酒店房間內發生咗一件超恐怖嘅事，坤哥喺社交網留言﹕「0500am 90%確應有艶遇，小弟落腳於亞維儂一間古舊式建築的酒店，一個人在房間的時候會不自然地打冷顫 所以把燈全亮睡覺。剛才睡覺，但不斷睡醒，期間疑似兩次『俾鬼魘』，我就諗可能太累係身體問題，。跟住到0500am，我打側瞓，面向窗邊瞓時突然間又被壓。」


俾鬼魘之外，仲未完㗎，坤哥繼續講﹕「然後圖中圈住的地方有細語聲和很實在的抓床聲和拍床聲（不是叫床聲），我再掙札再畀多d掙札，令自己可以轉過去面對那邊，然後我就大叫了一聲，再坐在床邊講粗口，然後身體不斷發抖（不是聽到粗口會打冷震那種）。由於不想被覺得我害怕，我坐了一會，再一邊罵一邊慢走，走到Cousin(同行人員)房門拍門，完。」


坤哥話係呢世仔第一次感到嘅超自然經歷，唔少網民都叫佢快啲退房，或者同坤媽瞓。有眼利嘅網民，更見到張相有啲更奇怪地方，就係坤哥冇咗一隻腳，但有影兼有對鞋。但相信都係角度問題啫......。



最港電影大獎投票網址
http://bit.ly/thekongestfilmawards


精選娛聞，喺晒《娛果》
http://fb.com/appledailyent


坤哥好似冇咗一隻腳，佢指出圈圖位置有細語聲同抓床聲。(ig圖片)網民留言話嚇死！(ig圖片)(ig圖片)
(ig圖片)乖仔帶埋坤媽去，但妹妹唔想出鏡。(ig圖片)坤媽第一次見雪，超興奮。(ig圖片)
坤哥與工作人員。(ig圖片)亞維儂(ig圖片)