張繼聰不時都鍾意喺社交網，同大家分享吓佢同家人嘅生活點滴，尤其係佢嘅前世情人囡囡張靖(Karina)，噚晚深夜呢位爸爸又出動喇，佢就貼咗一張拼圖，拼圖入面就有20格，見到KaKa Ball唔同嘅表情，但最搞笑嘅就係，呢張相KaKa Ball就戴咗一個假髮，表情多多，真係好鬼可愛，而張爸爸就留言話：「當你去咗返工，得番老婆同女朋友(KaKa Ball)係屋企嘅時候⋯⋯你就會收到依d相，原來我老婆都喜歡#步驚雲」！
哈哈！睇落KaKa Ball戴咗呢個略帶波浪嘅假髮，又真係好似漫畫入面《風雲》嘅主角之一步驚雲喎！咁就有網民都笑話勁似步驚雲，留言話：「雲師兄，你好！」但亦有網民話KaKa Ball有啲肥姐Feel、動畫《IQ博士》入面隻小吉，又話似張繼聰初出道嘅髮型等等，真係形象百變，非常得意啦！
另一邊廂，媽媽謝安琪(Kay)亦都有貼KaKa Ball嘅相，佢就話：「今次這個攣攣毛髮型成功嗎？」猶記得，一個月前，阿Kay就買咗一個長頭髮假髮俾囡囡，但當時阿女就唔多高興，戴咗仲喊起嚟，仲要爸爸戴番個假髮o氹番佢開心( 新聞連結：http://bit.ly/2EzQqOe
)，咁今次呢個攣攣毛髮型，又真係幾成功嘅，起碼KaKa Ball笑晒，表情多多咁影相吖嘛！
 人妻Kay幫囡囡戴咗假髮，張繼聰話佢似步驚雲。 |  邊個話我似步驚雲？(設計對白)(fb圖片) |  小心，排雲掌~(設計對白)(fb圖片) |
 (fb圖片) |  (fb圖片) |  網民話KaKa Ball戴假髮有啲似爸爸初出道嘅髮型。(資料圖片) |
 (資料圖片) |  (資料圖片) |  步驚雲(資料圖片) |
 之前嘅長髮，KaKa Ball就唔多喜歡喇！(資料圖片) |  (資料圖片) |
