現年50歲的吳雪雯由拍廣告到晉身電影圈，其間先後跟成龍、黎小田傳過緋聞。她在電影圈最為人津津樂道嘅係喺劉偉強執導、王晶監製嘅三級片《香港奇案之強姦》中嘅露點演出，又幫《Penthouse》影過封面，可惜都未能幫佢喺影圈有突破，之後開始淡出娛樂圈。其間有應老友袁潔瑩邀請，以玩票性質客串過電影《老友記茶餐廳》。到01年跟男友楊耀宗喺香港註冊結婚，結束8年愛情長跑，婚後二人育有一子一女。


吳雪雯雖然冇喺娛樂圈活動，但係養尊處優，身型及樣貌一直保持得好好，喺圈中有名嘅美魔女。日前下晏6點幾，見到吳雪雯一個人去到跑馬地街市買餸，當日天氣寒冷所以見到佢着得有啲臃腫，一身灰黑打扮，冇乜人認得佢係當年艷星，但薄施脂粉依然喺靚太一名。見佢將車泊咗喺街市門口，就行咗入魚檔買魚。相信佢喺熟客，魚檔老闆笑笑口同佢打招呼，話好耐都冇見佢。買完魚之後佢去到花檔，買咗一束康乃馨再到南北貨店入貨。見佢大手入貨，相信佢真係有一段日子冇逛街市，所以一次過買齊所需。經過差不多半個鐘掃貨後，佢拎住一袋二袋貨品上車，之後揸車返回淺水灣寓所。