「紫天椒」嘉兒莫蕊茲（Chloe Moretz）今個月10號將迎接21歲生日，上周六就提前同男友Brooklyn Beckham及好友於洛杉磯慶祝生日，Brooklyn仲畫咗黑色眼線，盛裝陪女友參加生日party，仲甜蜜餵食蛋糕。
自從上年二人第3度復合之後，就一直打得火熱，Brooklyn就貼出女友瞓於佢胸前的嘅相，另外仲有嘉兒餵食蛋糕，佢寫上：「特別嘅夜晚」。另一方面，嘉兒就貼出佢同男友及好姊妹嘅合照，同派對嘅合照，佢寫上：「噚晚我度過最美好嘅時光，同呢班最特別、美麗嘅人一齊慶祝我21歲生日。」
 Brooklyn盛裝陪女友參加生日party，仲甜蜜餵食蛋糕。 |  女友又瞓於佢胸前。 |  仲同成班女仔影相。 |
 一眾朋友都玩得好開心。 |
