達華、方力申、王菀之、唐詩詠、姜皓文、莊思明等今日去到大台宣傳電影，其中華哥身穿紅色西裝就話好耐冇返TVB，而佢自己都係拍劇出身，亦都好鍾意拍劇，佢仲話因為大台有大家庭嘅感覺，有機會都希望返電視圈。
嚟緊新年華哥就話自己唔喺香港，因為太凍，佢會同屋企人去一個四十幾度嘅地方曬太陽咁話。至於情人節方面，華哥就話已經準備好禮物，不過要保持神祕。同場，兩位都係單身嘅方力申同唐詩詠就笑言：「我哋首映時間揀得好，咁啱喺情人節，可以喺工作中度過。」小方仲話單身最難過嘅節日係聖誕節，因為時間太長。前女友鄧麗欣早前獲女主角獎，小方就就話已經當面恭喜咗對方。另外，前緋聞女友阿嬌日前ig宣佈訂婚，小方又話：「所有喜事都值得恭喜。」
 |  任達華、方力申、王菀之、唐詩詠、姜皓文、莊思明等今日去到大台宣傳電影。 |  |
