碧咸嫂自爆重組辣妹真正原因

最近「辣妹」Spice Girls正式宣佈重組，又打算搞巡唱，又出碟上節目，仲估計每人可以得到1千萬英鎊（約1億1千萬港元）酬勞。有指一直唔肯重組嘅碧咸嫂Victoria Beckham之所以首肯，全因其時裝王國蝕大錢，要撲水救亡。不過，Victoria最近就開腔講出真正原因：「最近嘅Time's Up同#MeToo運動，令我感到只要合作，我哋就有好強大嘅力量帶來改變。」原來係因為反性侵嘅運動，令佢好想再重組展示出女性力量：「呢件事好有啟發性，我嘅工作一直都主力支持女性力量，所以今次嘅運動就令我更堅決同熱心於我嘅信念。」另外其大仔Brooklyn亦於Instagram晒新紋身，佢紋上爸爸碧咸出生嘅年份1975，向呢位足球一代巨星致敬。

	碧咸嫂自爆重組辣妹真正原因。	原來係因為反性侵嘅運動，令佢好想再重組展示出女性力量。
另外其大仔Brooklyn亦於Instagram晒新紋身，之前佢已紋上碧咸嘅代表號碼7。	佢紋上爸爸碧咸出生嘅年份1975，向呢位足球一代巨星致敬。