林淑敏今日同安德尊、劉彩玉、章志文等喺馬鞍山出席大台活動，林淑敏今次喺《愛·回家之開心速遞》入面大小姐龍力蓮一角人氣急升，仲被提名「最佳女配角」，唔知佢新年有冇因此工作大增呢？佢就話只係希望觀眾會繼續支持佢，而錢方面夠用就得咁話。


佢仲話最近忙住拍新劇《BB來了》，又希望喺《愛·回家》入面可以再做好啲。佢仲話因為大小姐一角真係好入屋，有唔少街坊都以為佢鍾意鬧人，出到街仲有市民叫佢畀解僱信。講到嚟緊情人節，佢就話要喺工作中度過，冇時間陪老公。


唔止情人節，平時林淑敏都一樣咁忙，佢出席完活動，轉個頭就見佢自己揸車去到何文田，之後就泊低架車，拎拖住手提喼離開，原來佢係喺附近同劇集《愛·回家》嘅演員一齊拍外景。因為室外拍攝，所以電視台預備咗好多帳蓬，方便佢哋換衫。見到佢哋拍咗唔係好耐，都係啲行行企企鏡頭，好快就拍完收工。



攝影：黃曉程、羅德光（左圖除外）林淑敏今日同安德尊、劉彩玉、章志文等喺馬鞍山出席大台活動
出席完活動，轉個頭就見佢自己揸車去到何文田。
原來佢係喺附近同劇集《愛·回家》嘅演員一齊拍外景。