冬季流感肆虐，今早政府決定提前讓小學、幼稚園、幼兒中心明天開始提早放農曆年假，明天起停課。(新聞連結：http://bit.ly/2C4KkCQ)
育有一子一女嘅姚嘉妮，今日到馬鞍山出席迎新歲活動時，對於幼稚園及小學停課一事，佢就大表歡迎，佢話今朝早係啲媽媽群組討論，嘉妮話睇到新聞報道後，第一時間通知囡囡，話俾佢知早咗一星期放年假。仔女提早放年假，嘉妮話好在屋企有阿媽同工人姐姐照顧仔女。佢仲笑話屋企可以暫時變成托兒所，叫朋友啲小朋友一齊玩。
講到流感肆虐，姚嘉莉都話會加強預防，自己就準備咗消毒噴霧同口罩。佢亦話今次流感好厲害，之前拍劇因吹風受寒都嘔咗7次，兼且發燒，但睇急症都要排3、4小時，所以唯有自己食藥。姚嘉妮話前兩年都試過俾囡囡傳染乙型流感，當時囡囡冇事，自己亦要隔離10日，唔敢傳番俾囡囡。
