今日楊采妮（Charlie）去到太古擔任名牌限定店開幕嘉賓，見到佢清減咗唔少，不過Charlie就話冇特登去減：「冇想過減肥，湊小朋友自然瘦，頭一年好重要，呢一年冇乜工作，畀多啲時間去瞭解佢哋，連佢哋食咩都安排，剛戒人奶，經驗好神奇，都唔知自己點解做到，真係好攰。」
講到一對孖仔，Charlie即刻母性大發：「因為佢哋係早產BB，自己個心想佢地好啲就好啲，過程冇壓力，好順利。」有講到工作，Charlie就話已經可以復工：「都可以慢慢做返嘢，不過佢哋都係11個月，最近學識扶住嘢行。前日臨上機時哥哥識叫『PaPa』細佬識叫『MaMa』，好開心因為第一次開心，聽到佢叫『PaPa』好high，叫佢講多次佢仲識笑知道我哋好開心，仲肯give me five，平時教佢嘅都肯做。做媽咪就知，上機睇相，落機玩視頻。」而嚟緊新年，Charlie就話會帶一對囝囝返台灣探太婆，係第一次見面。
 攝影：沈健程 |  楊采妮同好姊妹GiGi一齊現身活動。 |  講到一對孖仔，Charlie就話臨上機時孖仔識叫「PaPa MaMa」。 |
