胡子彤、蘇麗珊等人今日喺太古廣場出席Dior期間限定店開幕，胡子彤女友歐鎧淳憑《春嬌救志明》提名金像獎最佳新演員，胡子彤話噚日食咗飯慶祝：「平時訓練咁辛苦，可以抽到時間拍港產片，有咁嘅成績好高興。對佢嚟講，作為一個運動員，可以參加金像獎係好有趣嘅事，不過佢個日要比賽，唔知趕唔趕到出席。」
不過有人取笑歐鎧淳戲份唔多，連啲小動物出鏡都多過佢，胡子彤話：「網民意見有正有反，我有同佢講唔使理咁多，最緊要專心游好水，知道自己目標。」佢仲話女友唔開心，咁點算好？佢話：「女仔係要o氹，之後新年情人節食餐好。」
蘇麗珊同游學修因為合作拍電影《哪一天我們會飛》而撻着，不過呢段戀情維持咗唔係好耐，喺16年游學修「被分手」，回復單身嘅蘇麗珊極速被爆搵到新歡，直到最近游學修終於有新戀情，佢被發現同曾樂彤同居，兩人事後大方認戀情。
蘇麗珊講到前度有新戀情，佢話：「拍拖係開心事，我當然恭喜佢，但係唔評論太多，我哋o依家好少聯絡。」之後又問到情人節會點慶祝，佢就話：「嗰晚要出席首映，不過我冇諗過叫男友一齊去，不過會約埋食餐飯，呢啲大時大節好少出去食飯，多數留喺屋企，通常係我煮飯，佢負責洗碗。」
 胡子彤、蘇麗珊等人今日喺太古廣場出席Dior期間限定店開幕。 |  蘇麗珊講到前度游學修有新戀情，佢就話要恭喜對方。 |  |
 胡子彤女友歐鎧淳憑《春嬌救志明》提名金像獎最佳新演員，胡子彤話噚日食咗飯慶祝。 |  |  |
