方力申、朱慧敏今日到香港紅十字會總部出席「愛心相連大行動2017」嘉許禮，小方今年被演藝人協會委任為司庫，被分配做搞慈善公益活動，第一個項目就提出召集藝人去捐血，萬一有咩事都可以幫助人。
鄧麗欣（Stephy）獲得香港電影評論學會封最佳女演員 （新聞連結：http://bit.ly/2F5Vh96
），小方話：「有恭喜佢，金像獎又有提名，我自己都有份投票，我同佢講如果你上台會多謝我，我就投你一票啦，講笑啫，我都會好公正咁做，但好戥佢開心。」小方坦言Stephy已經係佢心目中影后同女主角……呢啲說話，咁似早前洪永城撐唐詩竣詠講嘅說話嘅……至於農曆新年，小方已安排定節目去美國睇NBA籃球明星賽，可惜今年好多球星都受傷，少咗明星睇。
朱慧敏以前係紅十字會成員，加上自己O型血，佢希望捐多啲血幫助大眾。農曆年會禪修閉關四日，情人節則會同ATV工作人員度過。聽落似乎悶悶哋，朱慧敏話：「自己一個人都要開心，呢啲嘢只能順其自然，o依家主力ATV發展，亦歡迎同其他電視台合作拍劇。」
 方力申同Stephy仲有聯絡，佢話如果Stephy喺多謝佢，就會投佢票。 |  方力申擔任演藝人協會司庫，遲啲會叫啲藝人一齊去捐血。 |  朱慧敏新年閉關禪修，佢話唔怕悶，開心係最緊要。 |
 Stephy憑《空手道》拎咗電影評論學會最佳女演員獎。（劇照） |  （劇照） |
