93年，周海媚同黃日華合拍台灣金牌製作人楊佩佩劇集《末代皇孫》，當時創下當地收視紀錄，周海媚亦被封為台灣嘅「夢中情人」，後來再接拍台灣版《倚天屠龍記》，被封埋做「最美周芷若」。


最美周芷若喺21年後，即2015年初，再次以周芷若扮亮示人，網民讚佢「神還原」，難得周海媚擺番當年經典Pose，眼神竟然仲有啲嬌羞，青澀不再，但仍然倔強。


經典可否被超越呢？依家大陸再次翻拍《倚天屠龍記》，最美周芷若變成周芷若個師父滅絕師太——如果你細個係睇李香琴（1986年）嗰個版本、或惠英紅（2001年）嗰個滅絕師太，一跳就跳去周海媚呢個層次，點都會有啲想含尤加利葉嘅衝動。


大陸版嘅《倚天》已拍緊，但好多角色仲未向外公佈。依家已知張無忌係由歌手曾舜晞演，趙敏係《錦繡未央》飾演九公主拓跋迪嘅陳鈺琪，混元霹靂手成崑由樊少皇飾演，其他大部份都係未公佈。


至於周海媚嘅滅絕師太扮相……係靚嘅。噚日大陸男星孟飛喺微博貼出探班相，當然有同周海媚合照，佢話：「探班海媚姐，探班新版《倚天屠龍記》，多年不見，姐依然溫婉可人。曾經的最美周芷若給你刻下多少記憶？如今的最美滅絕師太又讓你滿懷多少期待呢？靜盼。」


有冇人想知大陸新版周芷若會係邊個？



孟飛微博圖片孟飛微博圖片孟飛微博圖片
呢張係較早之前已曝光 （微博圖片）有一種說不出的怪異感覺…好似好九十年代咁…（孟飛微博圖片）孟飛微博圖片
1994年版本嘅《倚天》2015年，周海媚再次以「最美周芷若」打扮上綜藝節目。 （資料圖片）趙敏係《錦繡未央》飾演九公主拓跋迪嘅陳鈺琪。