農曆新年將至，好多人都會會恤個髮迎接新嘅一年，索媽楊洛婷當然唔例外，咁佢除咗為自己扮靚之外，仲為囡囡Tanya添咗一個新髮型，呢個髮型都真係好爆炸㖭！
今早，楊洛婷就喺社交網ig、微博貼咗一張囡囡嘅新相，見到4個月大嘅Tanya十分精靈，仲好有捕捉鏡頭嘅觸覺，望實鏡頭笑晒，認真叻豬！但亮點就唔係Tanya嘅笑容有幾甜，而係佢嘅新髮型，索媽楊洛婷就幫Tanya戴咗一個爆炸頭假髮，真係好鬼搞笑！
而Tanya亦唔抗拒佢嘅新髮型，笑得好開心吓！BB戴假髮原來都係新玩意，唔知大家仲記唔記得，之前張繼聰喺社交網都分享過人妻Kay為囡囡KaKa Ball(張靖)買咗假髮，其中一個長頭髮就搞到KaKa Ball喊晒口，要老竇張繼聰o氹番先冇事。( 新聞連結：http://bit.ly/2EzQqOe
)上星期6，人妻Kay終於成功為KaKa Ball搵到一個好合適嘅假髮，張繼聰都好歡喜，呢個就係「步驚雲」髮型喇，而KaKa Ball亦冇再扭計豬，戴住「步驚雲」假髮開心到笑晒，阿Kay同張繼聰都安樂晒囉！(新聞連結：http://bit.ly/2BPP8zZ)
 「爆炸頭」Tanya VS 「步驚雲」KaKa Ball |  楊洛婷幫囡囡Tanya戴咗個爆炸頭假髮，非常可愛。(微博圖片) |  (資料圖片) |
 (資料圖片) |  張繼聰同謝安琪個女 KaKa Ball，戴咗假髮勁似「步驚雲」(資料圖片) |  (資料圖片) |
