紅極一時嘅90年代女子組合Spice Girls，傳出重組發展多時，得「碧咸嫂」Victoria終於點頭願意歸隊，日前辣妹證實將合體展開活動，有傳佢哋將會擔任大陸電視節目做評判、接拍真人騷、拍廣告及出精選碟等。


辣妹啱啱決定復出，Victoria已經舞癮大發，佢透過社交網站公開一條對住鏡練咗幾吓舞嘅片段，令樂迷更加期待辣妹復出。而現時Victoria正喺紐約忙於為個人品牌準備紐約時裝周，現喺紐約讀書嘅大仔Brooklyn都有去搵媽咪。




Spice Girl落實重組，「碧咸嫂」Victoria亦舞癮大發，公開一條對鏡練舞片段。
五位辣妹日前公開合照，證實將重組發展。Victoria公開同大仔Brooklyn合照。