單文柔、張寶兒、黃碧蓮等今日喺將軍澳出席新節目拜神儀式。27歲嘅單文柔同26歲嘅張寶兒，分別同41歲嘅陳展鵬同36歲嘅袁偉豪拍拖，男方大女方一大截，但溝通上完全冇問題，一提起男朋友，兩人都甜入心。
情人節將至，單文柔透露自己要開工，所以未plan會點慶祝，亦冇預備禮物。陳展鵬大年初二會去吉隆坡搞個fans meeeting（新聞連結：http://bit.ly/2nSob6i
），問到單文柔會唔會飛埋去見下展鵬班粉絲？佢話：「唔會，新年我都要陪屋企人。（展鵬幾時去你屋企人拜年？）佢嚟緊都比較忙，係搵真銀嘅時間。」單文柔承認男友已見家長，仲大讚對方話：「屋企人都識嘅，覺得佢個人都幾正面同開心。」
至於張寶兒就透露情人節會留喺屋企玩煮飯仔，佢話自己早前去泰國拍嘢時患咗感冒，記者笑佢冇得錫錫，佢撒嬌話：「嘻嘻，望快啲好番啦。」對於周柏豪日前在更衣室被人偷拍，袁偉豪都試過被偷拍，寶兒話：「我哋之前去日本都試過，其實真係唔係咁好。但好彩冇試過喺更衣室被人影，女藝人會仲敏感啲。」
 單文柔與陳展鵬嘅戀情越來越浮面。 |  (左起)單文柔、伍樂怡和黃碧蓮 |  J2新節目《今期流行》一班主持 |
 |  張寶兒透露情人節會同袁偉豪係屋企玩煮飯仔。 |
