楊冪條髮線，一直都係大家關心嘅話題。Google一下，發現無數content farm已在研究緊楊冪嘅壽星公額，咁查實呢兩三年嚟條髮線有冇高到呢？或者真係唔多人在意，在意嘅只係楊冪髮線真係好高，「高到上天際」。


最近楊冪喺劇集《談判官》中，俾對手黃子韜一嘢攬住、再撥起女方秀髮輕吻一幕，揭露咗楊冪嘅「死穴」——高額，於是一堆關於楊冪髮線上移嘅留言又再洗版。（文章連結：http://bit.ly/2Em5JJj）


楊冪早於《三生三世十里桃花》嗰陣已經大方回應關於高額嘅問題，仲話考慮去植髮。今次呢，楊冪自己唔講，佢交俾工作室講。今晚九點幾，楊冪嘅工作室喺微博出post，caption係「微風拂過你的臉」，三張都係《談判官》嘅gif檔，全部都係微風拂過楊冪的臉，露出壽星公高額。


楊冪嘅態度，好清楚喇啩…


其實伊能靜2016年誕下「小米粒」後，曾出現脫髮問題，致有禿頭危機，睇醫生先發現原來係血紅素不足，營養不良致脫髮，之後伊能靜開始食黑芝麻、高鈣鐵嘅牛奶，換埋洗頭水，慢慢改善。後天問題可以解決，先天就有啲難搞……




楊冪透過工作室反擊…三張gif圖，全部都係露高額
特登揀被風吹起嘅shot正面露出，勁！就係同黃子韜呢場戲，令楊冪高額再成焦點。
2016年已經係咁啦…舊圖。有高過咩？