男星吳尊與拍拖多年嘅初戀女友林麗瑩於2009年秘婚，其7歲囡囡Neinei同4歲囝囝Max就因為先後參與真人騷節目「見慣世面」，仲大受觀眾同網民歡迎，惟吳尊一直保護太太容貌，加上尊嫂性格低調，就算有傳媒成功偷拍過，但都係睇唔清楚尊嫂靚樣，要有張佢正正經經見樣嘅，真係好難搵。


吳尊今晚喺微博首度公開太太林麗瑩相片，其中一張係佢哋一家四口嘅相，另一張係吳尊夫婦一齊飲一杯飲品、臉貼臉嘅sweet爆合照，吳尊留言話：「知道大家都很好奇…好啦…我們就大大方方吧！J今天我們第22年一起過情人節，她就是我背後辛苦的拍檔…感恩大家一直以來的祝福，祝大家也要幸福快樂。」照片公開後，唔少網民讚尊嫂靚女，而且亦戥吳尊感到好幸福。


雖然吳尊已經38歲，又係兩個細路嘅爸爸，但佢同老婆影相時有用美圖app加工，不過唔加由自可，加咗之後，原本好英吓嘅吳尊，突然變咗個佘討曼出嚟！好彩兩個都係靚人，而且好搞笑。


講起玩美圖，胡杏兒同蔡少芬今晚都不約而同咁貼出加咗工嘅相，其中杏兒就同囝囝一齊扮cutie，蔡少芬就貼相講同老公慶祝情人節。



（吳尊微博圖片）吳尊貼相晒一家四口照（吳尊微博圖片）尊嫂正面樣終於曝光（吳尊微博圖片）
胡杏兒今日都有喺微博晒自己同「前世情人」嘅sweet相（胡杏兒微博圖片）Brendan仔真係好得意！（胡杏兒微博圖片）蔡少芬喺微博放閃（蔡少芬微博圖片）