郭富城、梁詠琪、林志玲同趙麗穎主演嘅《西游記女兒國》今晚將會喺香港做優先場，但內地今日下畫1點幾已經開映優先場，只係用咗一個小時，票房已經過咗一億人民幣。
投資方星皓電影老闆王海峰當然好開心，佢話：「真係冇諗到今日優先場可以咁好反應，只係上咗一個鐘頭，票房已經能夠過一億，對我哋整個劇組都係一大鼓舞。」
今年農曆新年，大陸戰況其實比香港激烈好多，因為除咗大年初一有《女》片上映之外，井柏然同白百何主演嘅《捉妖記2》、林超賢做導演嘅《紅海行動》同王寶強主演嘅《唐人街探案2》呢4部戲爭得最厲害，而最搞笑都算係《捉》片，大年初一連早上6、7點場，喺所有可以放映戲院幾乎100%滿座，更稱大年一預售已經有1.94億。
