胡杏兒自從榮升做咗阿媽後，生咗囝囝兒子李奕霆（Brendan），就有子萬事足，噚日情人節，佢老公李乘德(Philip)都好識做，送上紅玫瑰同一對好靚嘅耳環，杏兒以英文留言話：「老公送的美麗鮮花和耳環。儘管我常勸他別浪費金錢，但每逢情人節同我生日總會收到花。嘻嘻多謝你」，而Philip嘅ig就發現，佢除咗係好老公之外，仲好乖仔㖭，因為佢除咗送花俾老婆，仲有送埋花o氹阿媽開心㗎！
Philip同老婆慶祝完情人節，今日就同老友莊思明慶祝生日喇。今日係莊思明同孖生家姐莊思華嘅31歲生日，莊思明就喺微博貼咗同思華、男友楊明、高海寧、湯洛雯、蔡一傑、黃建東、張寶欣等。等人慶祝生日嘅相，思明留言話：「Happy Birthday to me and my beloved twin，雖然我哋有時候會鬧交，你有時候又會激嬲我，但我都好感恩一出世就有你陪伴！多謝你令我的人生更精彩更特別，慶幸一路上有你️ @莊思華Mona I love you 」。
 杏兒收到老公送嘅花，大表開心。(ig/微博圖片) |  杏兒老公Philip除咗送花俾老婆仲送埋俾媽媽。(ig圖片) |  (ig圖片) |
 杏兒老公都有出席莊思明生日會。(微博圖片) |  (微博圖片) |  (微博圖片) |
 (微博圖片) |  (微博圖片) |
