夜深時段播放嘅劇集，都充滿着唔同年代嘅回憶，大年初一至初五，大台就揀咗去年播放嘅《不懂撒嬌的女人》俾大家重溫，而緊接《不懂撒嬌》後，即2月21號，就係1986年嘅重頭劇《流氓大亨》喇，呢套劇當年掀起煲劇潮。
《流氓大亨》嘅編劇就係已經跳出電視箱嘅韋家輝。
韋家輝曾經接受專訪時，就講番佢寫《流氓大亨》，原來係關小鳳姐事……
《流氓大亨》嘅成功，連韋家輝都話自己親身感受過。佢當年接受專訪時提到，話當年套劇播放大結局時，正值冬至，佢就返咗阿媽屋企做節，食飯時就聽到全個屋苑響起套劇嘅片尾曲《婚紗背後》，相信都幾震撼。
《流氓大亨》嘅結局，直到目前為止，相信都仲有好多人好想知道，萬梓良當時好激動咁大叫「so what」，鄭裕玲流下一滴淚之後有冇醒番。韋家輝就咁樣解畫嘅，佢話呢個係一個open ending 開放式嘅結局，韋家輝就話當時無綫唔夠地方用，就喺廣播道租咗一層樓俾編劇度橋，當時諗咗好耐都唔知道咩結局最好，困咗喺間屋度幾日幾夜，最後司徒錦源就諗咗一滴眼淚做結尾。
當時周海媚連港姐決賽都入唔到，韋家輝就解釋點解會獨具慧眼搵咗海味做萬梓良嘅細妹方學甯，佢話當時公司喺選用演員上嘅指令唔不太鮮明，幕後人可以搵自己嘅心水，公司批唔批又係另一件事，但係當時嘅監製都好民主，願意聽幕後人嘅意見，況且當時資訊冇o依家咁發達，佢哋就只靠一本藝員相簿嚟揀演員，相簿入面，每個藝人都只有兩張相，一張大頭相，一張全身，所以呢本相簿真係可決定到一個藝員嘅前途㗎！
而韋家輝亦分享咗一個關於相簿嘅趣事，就係佢發現幾乎所有演員都會報高自己嘅高度，如果唔係就會好蝕底，佢舉例話如見到資料係五呎十、十一吋，其實應該只得五呎八！
最港電影大獎投票網址
http://bit.ly/thekongestfilmawards
更多韓流，喺晒《娛果》
http://fb.com/appledailyent
 劉嘉玲飾 林月明(《流氓大亨》電視截圖) |  Do姐同石堅(《流氓大亨》電視截圖) |  周海媚當年選港姐，決賽都唔入，但就被睇中拍劇。(《流氓大亨》電視截圖) |
 《流氓大亨》編劇韋家輝(資料圖片) |  鏡頭前食煙？以前係好平常 |  兩個女人都愛上萬子 |
 仍是新人嘅劉嘉玲，試過因為冇背好對白而被嘟姐話。 |  嘩… |  |
 |  就係呢幕…So what! |  |
 |  |  |
