日本重磅女星渡邊直美不嬲深得網民歡迎，無論係一舉一動抑或發言都為大家帶來歡樂。渡邊直美近日亮相綜藝節目受訪，談到平時喺屋企會否一絲不掛，佢好坦白話：「當然係全裸，着衫係冇意思，都冇其他人。」渡邊直美自言在家都會叫外賣醫肚，主持人問到當有人送外賣嚟嘅時候會否着衫，渡邊直美就話唔會特別遮身，通常都會開少少門罅叫對方將食物放喺門外，不過曾有店員照樣推門入屋，渡邊直美惟有用手遮住重要部位，仲即時踎低，因為佢個肚腩可以擋住下體唔怕走光，渡邊直美更在節目上重演當年情況，即時示範用單手及肚腩遮三點嘅動作。
原來，渡邊直美最愛全裸瞓大廳，但佢全屋都冇裝窗簾，佢曾試過留意到窗外突然有個人影，望清楚發現清潔阿叔正在外牆抹窗。其實渡邊直美上年曾在電視節目上公開豪宅，當時佢已自爆最愛坦蕩蕩，在家中定必全裸。
 渡邊直美再談愛在家中剝光豬。 |  佢今次自爆曾全裸在家被送外賣嘅店員衝入屋，當時惟有踎低用肚腩解圍。 |  渡邊直美在節目示範當時用單手及肚腩遮三點嘅動作。 |
 |  渡邊直美係藝能界開心果。 |  渡邊直美去年在節目上公開豪宅，當時已自爆會全裸在家。 |
