坊間流傳生男生女機會率係由老公嘅飲食習慣去決定，連拉姑都教路想生仔就要食肉或海鮮，想生女就食得清淡啲，拉姑仲爆四哥日食兩打生蠔，連續食兩個禮拜，之後佢哋就有霆鋒喇。想生B，好多藝人都由飲食開始……
小S(徐熙娣)同老公許雅鈞結婚13年，情人節仍然係佢哋嘅放閃時間，佢喺facebook貼咗同老公嘅「二人晚餐」相，留言：「我跟老公的小桌子情人節晚餐，浪漫。」唔少網民見佢哋枱上嘅菜，都忍唔住小S係唔係預告生第四胎。
小S情人節當日，同老公食海鮮大餐，除咗飲清酒，仲用蜆湯同食三文魚，點知齋係啲嘢食，已經令唔少網民想入非非，問佢食海鮮補充鋅係唔係為生B做好準備，又祝小S有一個「生猛」嘅夜晚。查實小S生咗三個寶貝女之後，唔少fans都估佢仲會生B，為老公追囝，之但係小S似乎有意封肚，佢直言唔棍再生B，本來大S生第二胎時，小S都有造人嘅衝動，不過老公許雅鈞唔捨得小S再辛苦佗B，所以佢哋最終都係決定順其自然，當時小S仲講笑：「還是說他（指許雅鈞）性慾強，不想停太久。」
