現年47歲嘅韓國「大長今」李英愛自從2009年結婚後，全職做人妻及人母，專心湊一對龍鳳胎。不過愛姐戲癮大發，大前年宣佈回歸公仔箱，投入拍攝《師任堂，光的日記》，幾經波折終於喺去年播出，但收視就認真麻麻。


雖然劇集方面就失手，但愛姐似乎對演戲仍然大感興趣，今日韓國方面更傳來愛姐再戰影壇嘅消息，愛姐確定出演犯罪驚悚片《尋找我》，電影講述愛姐飾演失去兒子嘅媽媽，其智障兒子失蹤咗後，愛姐就盡一切方法尋找愛兒。


今次將會係愛姐繼《親切的金子》後事隔13年再拍攝電影，喺大銀幕再見觀眾。