身教好重要，噚日孫燕姿就做咗一個完美示範喇！
是咁的，佢噚日就喺微博貼咗一張5歲囝囝「納小子」坐係銅製雕像嘅相，仲留言話：「初七人日動起來，祝平日快樂」，意思係想大家過完新年，都要做吓運動，一齊動起來，但冇幾耐燕姿就將貼文刪咗，後再發文道歉：「坐上一個公共雕像是一時興奮糊塗了！做任何事還是適可而止比較好，不好意思做了一個錯誤的示範。謝謝你們的提醒。」
有網民指，該雕像嘅創作者Chong Fah Cheong於揭幕時就親自騎上雕像，仲話個雕像嘅含義就係新加坡小孩愛玩騎馬遊戲，雕像設立其實都係俾小朋友去玩，文化差異才招惹無謂批評，理清來龍去脈釐清後，孫燕姿火速認錯道歉嘅作法更是被狂讚，網民都認為「三觀超正」、「好媽媽，很會教育孩子」。
