蔡思貝同童聲組合Idol Junior今日喺荃新天地出席醒獅賀歲活動，大會安排佢哋齊齊為舞獅點睛，蔡思貝並即場學舞獅。
蔡思貝話兒時曾經做過「大頭佛」：「幼稚園嗰時做過大頭佛，好好玩，不過個木頭套好重。嗰時老師見我好似過度活躍咁，所以就畀我做大頭佛，但o依家啲小朋友唔使笠頭套，要見到佢哋個靚樣。」佢仲笑言為咗發洩精力而練長跑、做運動：「太多能量儲埋，我會瞓唔着㗎。」
至於好友許亦妮大騷鑽戒疑似好事近？蔡思貝話：「我唔知呀，幫你問吓佢。如果係結婚，當然會祝福佢，不過佢都貪靚，可能係自己買畀自己呢。我淨係知佢煮嘢食好叻，之前我病咗，佢都煲湯擺喺我門口畀我，連拉麵都自己造。」
 蔡思貝小時候做過大頭佛。 |  有經驗，可以舞埋獅。 |  |
 |  太多精力，平時要做運動發洩。 |  童聲組合Idol Junior |
 |  許亦妮ig有一張男友視角相，喺中指戴咗戒指，蔡思貝話冇聽過好友結婚。（ig圖片） |
