張栢芝向來好錫屋企人，除咗養阿爸、阿媽，栢芝仲好照顧兩個細佬豪龍同柏文，即使佢哋喺娛樂圈發展唔理想，有傳栢芝一直都有喺經濟上接濟一下。
今日地產界更傳嚟一宗創新高嘅屋苑買賣，據土地註冊處資料，大埔康樂園10街雙號屋以2,525萬元售出，買家為張豪龍（CHEUNG HO LUNG），以首置名義入市。而該洋房實用面積1,214方呎，實用呎價20,799元。
其實栢芝一直鍾情康樂園，婚前同屋企人都係住嗰度，2012年豪龍同化妝師周紫雯結婚，都係嗰康樂園嘅會所舉行婚禮。(相關新聞﹕http://bit.ly/2tnyNzl)
據知，栢芝喺康樂園並冇物業，現以7.5萬元租住康樂園一幢2,121呎洋房。而現年38歲嘅豪龍亦冇再教滑水，已轉行做UBER司機，閒時就約埋家姐栢芝一齊滑水。
