女星嫁入豪門，或者釣到金龜婿，但煩惱一樣沒完沒了。之前有徐若瑄的富商老公經濟周轉不靈，之後輪到侯佩岑。


2011年，侯佩岑同花旗環球證券副總裁黃柏俊結婚，婚後淡出娛圈，育有兩個可愛囝囝。外傳公公黃進春係台北市迪化街大地主，即係大把地，身家高達20億元新台幣（約5億3千萬港幣），但上月卻被爆出自2013年多次赴澳門豪賭，欠下3,600萬元（約962萬港幣）賭債，只係還咗一半左右，另外嗰一半就彈票，黃進春之後避不見面，電話都換埋，冇人搵到佢。


其實侯佩岑嘅老爺之前已傳欠債，仲話佢帶女伴一掟就幾百萬——新台幣買名牌包討女伴歡心。


今日侯佩岑打扮靚靚，現身台灣出席醫學美容產品活動，講下扮靚心得，如幫個仔搽眼霜咁。至於老爺欠債傳聞，侯佩岑話，見到報道後有問過老公：「但是他真的完全不知道，說真的，長輩的事情，我們晚輩無從過問，也不好干涉。但謝謝，謝謝你們的關心。」




今日侯佩岑現身，早有準備回應傳媒。 (台灣蘋果日報圖片)(台灣蘋果日報圖片)