張家輝過往兩次擔任導演，執導《孟蘭神功》及《陀地驅魔人》都是鬼片題材，家輝今次執導拍攝他其最喜愛警匪片 《低壓槽》，總投資更達1億2千萬，家輝笑言不會驚怕老闆大投資，而是把握機會，慎重做好。亦因為重視今次執導，家輝停止接拍電影，做足準備功夫，兩年前拍完《使途行者》後，便暫停拍戲，專注搞劇本，家輝指期間推掉很多工作。


家輝今次指今次作為導演，也有被演員拒絶演出，家輝話：「有啲演員因為檔期問題，未必接拍到，被推幾次之後，自己都有調節，我都有推人嘅時候，有時未必如願以償，被人推當然是失望，我都有做足導演嘅禮儀，山長水遠飛去搵演員傾，盡導演責任。」搵來多位實力派演員參演，包括苗僑偉、黃日華、張繼聰、林雪及張可頤等。家輝感謝演員對佢嘅信任，家輝直言自己獨裁，改變演員舊有嘅演繹方法，家輝話：「由寫劇本、到分場，我都將自己投放到每一個角色去演，希望照顧好每一位演員，每個角色都有自己的性格。」


今次嘅警匪片，所發生嘅城市背景並唔存在，用咗好多資源喺CG上，家輝話自己唔太喜歡抽離太多嘅電影，喜歡較實在嘅人物，因為今次要塑造虛擬城市，但故事實在。」今次獲投資過億，家輝話：「好似一個小朋友以前冇機會去嘉年華玩，今次可以任玩，感覺好爽，唔會因為做錯冇錢去修復，不滿意都可以重頭再來。」戲中有廚房槍戰，就搭建廚房械鬥，一場凍肉場拍攝的戲，家輝一聲需要，劇組便搭建出有電動路軌掛着豬體的凍肉場，家輝指其實只是1分多鐘嘅戲，就用咗好多錢。家輝強調，自己對做導演冇野心，不過經過首次執導，覺得自己未盡全力，自執導《陀地驅魔人》後，就很多投資方搵佢做導演。


而今次喺喺電影入面，講得最多嘅對白就係「Cut」。短短一條兩分鐘嘅片，大大話聽到家輝Cut足15次，係咁Cut真係人都怕咗你啦。套戲嘅故仔講述張家輝飾演嘅警方卧底，要佢搵出罪惡之城「孤城」入面，最邪惡嘅神秘黑手「老闆」。喺追查當中，家輝原來已經墮入老闆嘅圈套。


戲中擔高級警司嘅張可頤，笑指張家輝導演難服侍，可頤話：「家輝只會用有效率的聲線同人溝通，待人處事直接不粉飾，我值錢在聽得明佢講乜。」






攝影：陳慧安家輝話自己唔太喜歡抽離太多嘅電影
戲中擔高級警司嘅張可頤，笑指張家輝導演難服侍