劉嘉玲除咗會演戲，仲係一位職業女性，近年喺大陸開酒吧及自家品牌時裝，都搞得好成功。近日嘉玲忙裏偷閒，相約幾位好朋友去中東旅行，影咗數十張靚相放上社交網站，但就未見老公梁朝偉同行。
嘉玲今日去咗撒哈拉沙漠玩sandboard，見佢入鄉隨俗，穿着當地嘅民族服裝同頭巾，配上一副金光閃閃嘅太陽眼鏡，超型！嘉玲仲騎駱駝，由於駱駝有人拉住行得好定，嘉玲亦放膽喺駝峰上掀起衣衫隨風飄揚，嘉玲留言﹕「震撼心靈的撒哈拉沙漠。」
數日嘅行程，嘉玲又到過阿拉伯王國，影咗好多當地極富文化色彩嘅靚景，除咗去品牌朝聖，佢又貼地走落民居，聽音樂及睇特色手袋，更加玩埋Henna紋身，佢話﹕「慵懶而極具異域風情的。」
 嘉玲去咗撒哈拉沙漠騎駱駝。(網絡圖片) |  仲有玩sandboard(網絡圖片) |  (網絡圖片) |
