張振朗2011年加入無綫，捱咗7年終於由「茄哩啡」做到男二，難得上位，當然要將感情事低調，冇諗過佢一公開講就係「分訊」，日前佢承認同拍拖三年幾嘅29歲女友陳芷尤分手。
今日有周刊指，分手導火線係因為張振朗拍劇成日好多小花埋身，加上男友工作忙，為咗唔想影響大家事業，佢哋一直玩地下情，之不過30歲張振朗成日有新緋聞，令女友冇咩安全感，而且張振朗事業上緊位，工作比之前忙好多，聚少離多之餘，結婚更加冇可能，雖然陳芷尤喺IG稱大家分咗手仍然做朋友，互相關心，之後陳芷尤仍會貼一啲生活相上網，不過報道影到佢行街時都係悶悶不樂，全程撳電話，似乎未走得出情傷；至於，張振朗近排忙住拍《包青天再起風雲》，喺劇中演展昭，戲份都幾好，又有一班人陪開工，自然冇咁lonely喇!
