新晉導演陳大利執導，毛舜筠、凌文龍、呂良偉、劉美君主嘅電影《黃金花》喺北京舉行「生而為女人」做主題嘅首映禮記者會，導演陳大利同毛姐、凌文龍出席活動。
講到入圍第37屆香港電影金像獎最佳女主角，毛姐認想攞獎：「對手好強，都好厲害。有張姐（張艾嘉）、周迅，壓力好大，金像獎女主角提名咗三次，好難得咁多年之後再遇到好劇本，畀我好大發揮，好想因為今次角色得到大家肯定。」
毛姐即場分享咗今次拍《黃金花》角色塑造過程，笑話對戲中囝囝凌文龍，甚至比現實中自己個女仲親密，其中一幕擁抱畫面，仲諗番起同個女嘅美好回憶。
毛姐又讚凌文龍好有爆發力，身體語言好好，睇到凌文龍第一次出席大陸記者會有啲緊張，間唔中就會拍吓佢膊頭鼓勵吓。最後佢兩個喺記者前重演戲中母子擁抱溫馨場面。
有影迷製作咗條致敬短片，回顧毛姐出道到o依家40年嘅演藝生涯，毛姐自己都睇到好感動：「好像昨天的事，感恩觀眾對我的喜愛，不忘初心，繼續為觀眾奉獻優質的作品。」
 毛舜筠同「兒子」凌文龍北上宣傳 |  毛姐直言恨捧金像獎影后 |  |
 呢對母子，真係sweet到漏！ |
