36歲嘅余文樂上年12月同29歲嘅台灣女模王棠云（Sarah）奉子成婚後，Sarah嫁雞隨雞，搬咗嚟香港同老公一齊生活。


初時Sarah都好小心，冇放過孕照上ig或者fb，不過余文樂喺3月承認老婆有咗BB，Sarah都好大方，喺ig多番啲見肚嘅相。o依家Sarah大住個肚，等6月待產，閒來冇嘢做，接待下啲從台灣嚟嘅朋友、睇下戲之外，佢有時間都會去行吓街。


日前一個下午，Sarah就一個人去咗金鐘太古廣場行街，余文樂唔喺佢身邊，見Sarah一個人喺度周圍睇，後來入咗Cova餐廳睇蛋糕，揀咗5分鐘，終於買到一個蛋糕帶走。之後Sarah繼續Window Shopping，睇咗一陣冇乜啱心水，佢就上咗去商場平台打電話，睇嚟係聯絡司機嚟接佢，佢最後上咗一部銀色私家車離開。


雖然老婆即將生b，不過樂仔依然好努力做嘢，唔知係咪希望將啲工作快啲做完，等阿b出咗世之後，可以多啲時間陪吓老婆兼湊仔，之但係點都會好掛住屋企，樂仔今日凌晨喺ig貼咗張老婆攬住狗狗嘅相，留言話：「好想回家。」老婆喺ig貼咗張樂仔同狗狗喺車上面嘅相兼話：「快回來。」放閃得嚟，又真係好sweet喎！



採訪、攝影：黃曉程、梁繼光余文樂太太Sarah嫁雞隨雞，現時喺香港待產，日前就單拖去咗買蛋糕。
好快就揀咗件走人，但之後window shopping就冇乜心水。喺商場行咗陣，就call車叫司機接走。
喺香港生活未算無聊，除咗行街，有時會睇下戲，又接待下台灣嚟嘅朋友。（ig圖片）（ig圖片）樂仔同老婆分別喺ig放閃。（ig圖片）