吳綺莉近排為咗囡囡吳卓林嘅問題搞到頭都大埋，今日現身大坑時，全程皺住眉頭講電話，個樣似係好心煩，睇嚟麻煩事似仍未解決。
今午約兩點半左右，吳綺莉揸住Honda私家車，泊咗喺大坑區一間7仔附近嘅街邊，因為落緊雨，故吳綺莉落車之後即急急腳行去7仔，全程都講住電話。
無擔遮嘅吳綺莉，衣着打扮都好隨便，足踏涼鞋，長袖外套同牛仔褲，求其咁紥起啲頭髮，入到便利店迅速同收錢店員講話要買煙，電話都仲一路講緊，因為要摷錢找數，佢就將部手機夾喺條頸度繼續講。買完煙之後，佢又再急急腳行返去攞車，然後就揸車返番屋企。
 採訪、攝影：徐錦池 |  吳綺莉講電話皺晒眉，咩事咁心煩? |  |
 |  |  落雨唔擔遮，急步行去7仔買煙 |
 隻手好忙，電話夾喺頸可以繼續講 |  |
