鄭欣宜今日到商台宣傳新歌《黑彩虹》，之前作品《女神》創作原意係想送畀自我價值低嘅女性，點知發覺變成一首好大愛歌曲，所以今次決定做呢首新歌送畀所有失去自信光彩嘅人。錄好首歌之後，佢就忙於為演唱會背一批粤語經典金曲，佢話：「因為我唔喺香港長大，所以唔熟啲舊歌，要重新去背，嗰吓好忟自己點解以前唔聽多啲歌，當心情差之時聽番呢首歌，突然好似為自己打氣咁充滿力量。」
近日佢不停用念力希望演唱會可以開到巡迴，又不斷同老闆講，佢最希望到加拿大做巡迴，佢話：「加拿大係我家鄉，入行後好少機會喺嗰邊演出，今次好多屋企人都未能嚟睇，另外都想喺馬來西亞同澳門。」佢指只要畀兩星期時間將演唱會後肥咗6磅多減走，就隨時可以上台演出。
 鄭欣宜今日到商台宣傳新歌《黑彩虹》 |  近日佢不停用念力希望演唱會可以開到巡迴 |  佢最希望到加拿大做巡迴 |
