賭王三房何超蓮同佢孖生細佬猷啟今日27歲生日，兩姊弟當然齊齊慶祝，超蓮就喺佢ig動態故事，交待佢哋去咗中環、近月被城中形容為最難訂枱嘅3星米芝蓮食店，壽司之神齋藤孝司開嘅Sushi Sato慶祝，超蓮喺片中冇現身，就影咗猷啟嘅發呆樣，而猷啟面上仲生咗粒壓力瘡，唔通為近日婚事同內地未婚妻GiGi盛傳大肚新聞煩惱，超蓮仲打上「Poor Orlando」笑細佬，之後超蓮仲拍咗自己閨房放滿生日派對慶祝嘅汽球。
其實，上星期六，超蓮已同一大班朋友搞咗個K party，佢亦都係ig貼相，更分開男子同女子組各影一張。男子組入面，除有四房細佬何猷亨，仲有富二代莊家彬，同N件年前傳過緋聞嘅周柏豪、「契哥」楊政龍、向佐等，相片中，向佐仲企有利位置，而超蓮同向佐齊齊被掟蛋糕變咗花面貓。
 超蓮上星期六搞生日K，當中楊政龍、周柏豪、向佐等人嚟賀佢。(ig圖片) |  除咗男子組，仲有女子組。(ig圖片) |  噚晚就同猷啟齊食米芝蓮壽司倒數。(ig截圖) |
 (ig截圖) |  (ig截圖) |  |
