不需花錢買骨膠原粉啦～把這3款滋潤糖水學起來！它就是你減齡養顏的小秘訣！
近年坊間有新興唔少骨膠原產品，去開日本嘅女生都一定見到一包包骨膠原沖劑勁熱賣。小編都親身試過，功效確係唔錯，但一停飲就打回原形，而且骨膠原粉末嘅味道，一般而言都係唔太好飲，其實女生唔需要特意花錢買骨膠原粉～簡易滋潤糖水，既可以補血氣又可以滋潤一嚇乾燥嘅肌膚，仲可以煲埋畀另一半飲乘機加分！就算平日少入廚房，以下呢3款糖水你都一定掌握到！
from Pinterest
1. 蓮子雪耳紅棗杞子糖水
功效：雪耳一向都係清補良藥，滋潤得嚟又唔會膩滯，有「平價燕窩」美譽。雪耳有助胃腸蠕動，減少脂肪吸收，保持女性身材的苗條。
材料：蓮子1碗 、雪耳1個、杞子1抓、紅棗6粒、水8碗、冰糖適量
製作方法：蓮子預先一晚浸水，去芯洗淨。雪耳先浸軟，去蒂切成細塊。紅棗洗淨，然後切半去核。將所有材料放入煲內，以大火煲滾，之後轉細火煲一個鐘，最後加入杞子、冰糖煲五分鐘即成。
from Pinterest
2. 馬蹄木瓜雪耳糖水
功效：雪耳養顏，紅棗可以補肝補氣、養血安神，係養生恩物。
材料：木瓜 （去皮去核切中件）、雪耳半個 、 紅棗4-6粒、水4碗 、冰糖適量 、熟雞蛋 （烚熟去殻）2隻
製作方法：水滾後，放入所有材料 (蛋除外），以中大火煮10分鐘，然後轉細火煮15分鐘，最後加入熟雞蛋多煮5分鐘即成。
from Pinterest
3. 海底椰椰汁百合雪耳露
功效：海底椰清甜多汁，比較滋潤；百合可以清心安神、潤肺止咳；雪耳可以滋陰潤肺，益胃生津。
材料：椰漿165ml、 百合1個 、雪耳1朵 、新鮮海底椰4個 、白冰糖120g 、水2000ml
製作方法：雪耳用清水浸軟去蒂之後，切件備用。新鮮嘅海底椰需要去皮，切成粒狀。將百合剝成一片片後洗淨，煮滾2000ml 水後，轉細火加入雪耳煮大約半個鐘，加入新鮮海底椰、百合煮大約15分鐘，加入白冰糖調整甜度，最後熄火，加入椰漿後即可享用。
