8位紅星公開減肚腩餐單大公開！安仔3週減12磅Kelly減肥都照食Tea…

2018-12-31

8位紅星公開減肚腩餐單大公開！安仔3週減12磅 Kelly減肥都照食Tea

雖然夏天已經過去，但其實Keep Fit是終身事業，以下圈中8位紅星教你輕輕鬆鬆、閃電式減肚腩大法，梗有一款適合你啩！

1.食菜加唔郁黎明黎明早年發福，穿貼身恤衫坐喺度做訪問，啲衫鈕好似被肚腩迫爆咁！為了保持型仔look，Leon決心實行走腩大法：「之前168磅，為拍戲要我去番156磅，依家已達標。」減肚腩減得咁成功，係咪有咩特別嘅方法，佢說：「你哋想知？我話你哋知，好簡單，朝早起身食個火龍果，或者蘋果，或蛋，加咖啡，飲水，去洗手間，下午就菜汁撈纖維素，質飽個肚，坐喺度半個鐘唔好郁，冇energy就會好凍，但唔好郁，著番件衫，一陣隻手指就暖番，因為抽緊你脂肪，之後六點鐘食凱撒沙律，唔可以加煙肉，要加火腿，菜點汁。」

食咁少嘢，有冇見暈，Leon笑言：「拍嘢拍到夜晚12點，整個小米粥，炸菜火腿，卡路裡唔高，加埋唔過700，正常人一日需要1,800，7日搞掂！」

Leon減肚腩餐單早餐：火龍果+蘋果+蛋一隻/一杯咖啡午餐：齋食菜至飽晚餐：火腿凱撒沙律(唔要煙肉)+菜

2.食下午茶減肚腩陳慧琳身為兩子之母嘅Kelly表示，曾陀B令體重急升至超過130磅，雖然對一般大肚婆來說唔算重，但愛靚嘅Kelly就接受唔到，因此產子後即最後走腩大計！「諗起以前130幾磅，真係嚇死！我嘅減肥秘訣好簡單，唔好以為一日食一餐就會瘦，因為我少食一餐就會勁肚餓，之後會食番好多，咁吸收就更多，結果反而更易肥！」

Kelly表示，要減肚腩首先要踢走脂肪，佢試過最佳方法居然食埋下午茶！「要少食多餐，所以食肉都冇問題！最好方法就係每樣食物唔好食多過一件！如果餐與餐之間覺得餓，可以多飲水、果汁或食啫喱代替小食，咁就更易消化又有飽肚感。」

Kelly減肚腩餐單早餐：脫脂奶1杯+蛋白兩隻+麥皮一碗午餐：節瓜炒牛肉+白飯一碗+豆腐魚湯下午茶：梳打餅兩塊+低脂乳酪晚餐：馬蹄蒸肉餅+蒜蓉炒菜心兩碗+白飯一碗+草莓六粒

3.多菜少肉容祖兒 Joey以往曾被指baby fat，為了搣甩脂肪，採用素食減肥方法，一些蔬菜水果類，還有就是海鮮，少吃一切高脂肪高熱量食物，少食肉，因為多食容易致肥。

減肥方法實行多年，依家祖兒身材勁弗，醒大家減肚腩貼士：「我朝早好少食，要食就食生果，多數食奇異果、蘋果同橙，糖份高嘅瓜類就少食，我自己都唔係咁鍾意食。到午餐就要正常咁食，因為每日都要排舞，如果唔夠營養，或者餓住肚體力唔夠就好易暈，不過我會盡量少食肉同飯，食多些蔬菜豆類，到夜晚就唔可以食飯，只係飲湯，我媽咪有種家傳減肥湯，飲咗會幫到手減肥，呢款湯好處係唔使特別節食配合，但又可以清腸胃，幫助消耗油份，好有效。不過，我減肥會適可而止，絕對唔會減到成個骷髏頭咁樣，個人瘦咗但冇曬精神咁都唔好睇啦！」

Joey減肚腩餐單早餐︰雪梨汁或楊桃汁一杯+番茄蛋治一份+生果午餐︰烚菜一碟+生果大量+湯水一碗晚餐︰烚菜一碟+烚雞扒一件+一碟雜菜沙律+田雞冬瓜薏米湯一碗

4.熱飲減肚腩劉德華劉德華身形廿年如一日咁弗，唔止男士羨慕，相信女士都想知佢點keep！其實好簡單，「唔飲凍嘢，咖啡、奶茶OK，但一定係熱，每日再飲雜果汁，蘋果汁加紅蘿蔔汁補充水份！」廣告而劉華每逢開個唱前，keep弗餐單更誇張！完全屬於無味人生，無鹽、無油、無糖，只食白烚雞肉，雖然好work，但真係要好有毅力先得！

劉華減肚腩餐單早餐：熱咖啡一杯+麥片粥一碗午餐：熱咖啡一杯+多士一份/叉燒雞或燒肉飯(如開工) 晚餐：魚+蔬菜+少許肉(牛除外)

5.飯後行半粒鐘周潤發係人都知發哥鍾意行山keep弗，此外，發哥其實食得好清淡，「最緊要戒食甜品，夜晚嗰餐唔好食澱粉質，煮菜盡量少食油，唔好食宵夜，最好早啲食飯，我屋企六點半就開飯，飯後最好行番半粒鐘，咁就唔會有肚腩！」

另外，發哥又鍾意臨瞓前再做運動，咁就會特別好瞓。佢更叮囑大家，平時除正餐外，唔好再食零食，慢慢就會見效，「咁樣減肥比較健康，我一直唔贊成食藥減肥。」

發哥減肚腩餐單早餐：一碗白飯+青菜+魚午餐：同上晚餐：青菜+海鮮

6.急減之選許志安如果大家想快啲操弗身形，可以參考安仔呢個方法！安仔早年為個唱進行密集式操練，配合營養師的餐單，成功減掉12磅兼練出42吋結實胸肌及六嚿腹肌！廣告安仔笑言呢個絕對係無啖好食高纖低脂餐單，不過若大家肯的起心肝，一定會同佢一樣可以做到三周減12磅效果！廣

安仔減肚腩餐單早餐：生果任食午餐：一碗白飯+烚雞柳三至四條晚餐：烚雞肉+蒸魚(走油走豉油)+大量烚菜(雞肉可用蛋白代替)

7.夜晚戒水林峰不少歌星都會開個唱前積極減磅，林峰都是其中之一位。他表示過程辛苦，因為要有肌肉先收貨，所以一直都要戒穀物、澱粉質，只能吃菜！

原來峰峰本身容易水腫，所以佢自己會少飲水，夜晚通常唔飲！不過，為了令腸胃暢通，有時會飲青菜汁做代餐。廣告峰峰減肚腩餐單早餐：蛋白兩隻午餐：滾水淥米粉+烚菜一碟/青菜汁晚餐：茄蛋治一件

8.蔬果瘦身餐范冰冰范冰冰為保持完美體態，除了每周堅持3天跑步，每次跑一小時外，平時飲食更以蔬果瘦身餐為主，持之以恆的話，每個月可減去3kg。廣告范爺表示食蔬果尤其係高纖同低脂蔬果，有天然防癌作用，更容易瘦身，而且蔬菜同水果含較多水份，相比之下，熱量亦較低，所以冰冰嘅三日循環蔬果瘦身餐，通常都以蔬果為主。

范爺減肚腩餐單第 1 天早餐︰橙一個+半杯脫脂牛奶燕麥粥+葡萄乾五粒午餐︰雞湯一碗+四片梳打餅+一杯水果沙律晚餐︰一個烤馬鈴薯配牛油+水煮甘藍菜一碗+蘋果一個+杏仁五粒廣