我係女死者既朋友，佢生前經常同我透露工作上既壓力。今日見到蘋果報導沙官校方話佢自殺無先兆，仲話星期五仲有講有笑，我覺得好唔訓氣。
佢生前星期六日都要做office野，啲同事知道佢星期六都番工，竟然講話'咁不如你幫我做埋呢樣！'。佢亦講過有好幾次已經忍唔住係佢地面前喊，因為覺得好嬲。而佢supervisor比佢既workload亦唔合理。佢自學AI，而同事知道佢識AI就所有desigb都比曬佢做，加上佢間學校(沙官）黎緊校慶，於是有好多對外既design,banner 等等要再做。
上星期五晚本身我同佢仲約咗行書局，點知佢突然話唔去，話已失眠多日，每日瞓得幾個鐘，食唔到野又嘔，仲話想quit。我whatsapp佢亦無再應我，點知佢咁睇唔開...
我見報導校長話校方仲諗住同佢續約，我嗰下真係好嬲。你地迫到一個好女仔自尋短見，根本就唔關續約事，又話睇唔出佢有異樣，其實人地本身已經想quit好耐，又已有pgde offer，而家班衰人為自保講埋啲咁既野。同埋人地自尋短見根本唔係待遇人工既問題，佢話過係TA工入面佢既人工已經算唔錯，所以先繼續做，但workload太大啦。而且TA地位又低，佢有講過連校工都蝦佢。
我好嬲，但又唔知點幫佢，我覺得點解都已經迫到人地死咗，但真相仍然無人知
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
1. 搵工難
呢個我諗大家都有聽過下 原因主要係因為出生率下降 加上以前老一輩未退休而致既 而且大專院校教育畢業生供過於求 就造成咗今日咁既局面
基本上呢行家陣都係簽合約為主 新人基本上1年 想要perm 應該等個6-7年先機會 1年1年咁簽都咪話唔穩定 今年教一班學生熟絡咗 下年唔續你就可以執包袱走人 另外 當大家以為老師人工高既時候 其實係老一代就真係好高 佢地跟住個薪級表上 但要知道年輕人係簽合約！ 佢係可以唔跟薪級表出你個價 咁就等於你任人宰割 通常有啲衰學校就會將一個位變成幾個位（即係將人工拆成幾舊）請幾個人做野 但記住人工減咗 但大家唔係一齊做同一份野嫁 所以先會又低人工又多野做
2. 入行難
做得TA嘅年輕人十居其九都為咗等做正職老師而默默耕耘 但其實實際上好多學校見到你本身做TA之後再申請老師 通常都會不了 所以想轉番做老師 又要等人退休 又要搏轉工轉 但兩樣難度都係極高既
另外 由於位少既關係 申請人數極多 通常一個位有過100份申請表都常見 但有啲學校會用人唯親 例如識邊個邊個就會有大啲機會 因此行內有個term 叫呃post 其實係內定咗人 但係要請啲人黎in 玩下你咁 所以真post比想像中係少既
3. 食古不化
一個行業要進步 唔單單人既能力要進步 而且思緒都要進步 但係學校以舊人教為主 好難引入新思潮
大部分學校入面行緊嘅政策 乃至改卷方式 都係停留係十幾廿年前 （例如改英文作文 改Grammar改到滿江紅 唔重視內容品質等等）而且舊人教書嘅方式都係以讀PPT為主 之後抄呀抄 有啲連功課都唔改 叫學生對下剔下就算 唔岩就 都唔比
試問舊人搞教育 無任何革新既話 我哋香港學咩人搞革新呢？
