傳過好多次斷背緋聞嘅許廷鏗(Alfred)，噚日又俾人影到佢同胡鴻鈞關係密切，報道話胡鴻鈞出完騷，親自買外賣送上去許廷鏗屋企，兼且仲話佢全晚都冇離開過！(新聞連結：http://bit.ly/2iF8snC)
今日胡鴻鈞喺尖沙咀出席活動，大家梗係追問佢呢件事，唔知Alfred又係咪胡鴻鈞嗰杯茶呢？佢就話：「Alfred絕對係好朋友嘅一杯茶，我哋係好好嘅戰友，喺呢一行有啲乜嘢問題，又或者心態上有啲乜嘢諗唔到嘅地方，我哋都會分享同互相俾力量同鼓勵大家！」
不過吳若希話自己都有懷疑過佢哋嘅關係：「喺我角度，佢哋兩個嘅關係，係Friend到有一刻令我都懷疑係咪有超乎友誼嘅關係！但係問心，我哋呢班朋友相處落柴娃娃都好開心。」佢仲話嗰晚其實係約咗打牌，不過因為要餵奶，所以佢咪要放飛機！
至於會唔會避見，胡鴻鈞話：「絕對唔會，坦白講又唔係第一次有呢啲新聞，做朋友唔會因呢啲幾無謂嘅新聞而唔見面，我自己好珍惜呢段友誼，講真喺呢行要搵真心嘅朋友係好難。」
更多娛聞，喺晒《娛果》
http://fb.com/appledailyent
 胡鴻鈞話唔會避見Alfred！ |  吳若希笑言話有懷疑過佢哋！ |  胡鴻鈞、Alfred成日都見面！ |
 胡鴻鈞話喺圈中好難得搵到好朋友！ |
