當年由言承旭、周渝民、吳建豪加埋朱孝天組成嘅F4同大S(徐熙媛)演出台劇《流星花園》，一度瘋魔咗萬千女性嘅歡心，當年佢哋所到之處都會造成轟動，而且仲掀起咗煲劇潮！唔知係咪回憶總是美好，無論係喺香港、大陸、台灣或者世界各地，不時會出現一啲翻拍潮，聲稱要向經典致敬喎！
今次《流星花園》都唔例外，製作人柴智屏噚日上海為新版《流星花園》舉行發佈會，宣佈新F4將主演嘅角色，其中王鶴棣飾演道明寺、官鴻飾演花澤類，梁靖康、吳希澤分別飾美作和西門彥，女主角方面，杉菜呢個角色由沈月飾演。消息傳出之後，唔少人對呢個組合有唔同嘅意見，有人大讚新F4係小鮮肉，亦有人覺得佢哋外型偏瘦，有啲似營養不良。
講到女主角沈月，97年喺湖南出世，喺16年參演過古裝網劇《顫抖吧！阿部》，之後喺《致我們單純的小美好》擔正做女主角，雖然呢套劇喺呢個月9號先播出，但係有唔少人睇完預告之後，稱為內地版的《惡作劇之吻》。
今次沈月能夠喺面試脫穎而出，並唔係因為佢有驚為天人嘅外表，睇番佢喺微博嘅相，其實都係行鄰家少女feel，以零添加兼甜笑而吸引人！雖然佢嘅顏值唔高，不過普遍網民都對佢寄予厚望，相信佢可以創造另一個杉菜喎。
 (微博圖片) |  新《流星花園》嘅組合。(微博圖片) |  (微博圖片) |
 女主角沈月出道冇耐，已經有網民注意。(微博圖片) |  沈月係以氣質取勝。(微博圖片) |  (微博圖片) |
 (微博圖片) |  沈月同媽媽一樣樣喎！ (微博圖片) |
