雜誌《People》每年都會選出「年度最性感男士」，今年獲選男士已經揭曉，一如傳聞係41歲美國鄉謠歌手Blake Shelton。
以往選出嘅男士都非常有魅力，包括「The Rock」狄維莊遜（Dwayne Johnson）、「萬人迷」碧咸（David Beckham）、「雷神」基斯咸斯禾夫（Chris Hemsworth）等，雜誌評定Blake有外型、幽默感同完美聲音，Blake獲悉自己獲選亦於社交網站留言話唔知點解自己會被選中。
Blake係唔係性感男士認真見人見智，有人就翻炒過往Blake曾因性別歧視、歧視同性戀、種族主義嘅留言受到抨擊，對今年賽果感到相當不滿，喺網上留言話：「他很嘔心」、「這事情為什麼沒有引起憤怒？」又有人形容Blake獲選，係美國於特朗普統治下嘅最直接結果。
 41歲美國鄉謠歌手Blake Shelton獲選「年度最性感男士」，並登上今期《People》封面。 |  Blake女友Gwen Stefani都叫佢接受呢份禮物。 |  Blake曾發表性別歧視、歧視同性戀、種族主義嘅留言，因此佢獲選惹來爭議聲音。 |
