《誇世代》今日喺馬鞍山搞宣傳活動，一班演員麥明詩、歐陽震華、陳豪、朱咪咪、田蕊妮、江美儀、陳嘉寶等等都有出席，佢哋仲要玩石春路，陳豪本想抱咪咪姐，但就被拒絕，反而被咪咪姐孭住走石春路。
日前歐陽震華喺新加坡舉行的第二十二屆亞洲電視大獎2017」中奪得「最佳喜劇演員」大獎，佢今日就話好開心，仲希望香港電視台嘅頒獎禮都可以加設呢啲獎項：「拍喜劇的演員是很少可以拿視帝的，而且喜劇演員不分男女，每個人都有機會，就像許紹雄和朱咪咪也可以拿。」歐陽震華當時喺台上仲多謝太太，話廿幾年嚟都冇鬧過佢一句。
講到咪咪姐唔畀陳豪抱，陳豪就講話私底下同咪咪姐好好朋友，所以就算被咪咪姐孭住行石春路都覺得冇嘢，又恭喜歐陽震華攞獎，希望有機會偷。最近陳豪成日直播沖咖啡，佢講笑話：「我比較落後，最近才開始接觸社交媒體，想跟大家分享拍戲以外的生活，很好玩。」仲話會叫埋老婆同三個仔女一齊參與。
 |  |  |
